1 Ma nwaŋu podi jular jucwiyo gin moko ngo, nwaŋu Lembe nuti; ebedo ku Jacwic, man en de e Jacwic. 2 Ebedo ku Jacwic ma nwaŋu podi jucwiyo gin moko ngo. 3 Jacwic ucwiyo gin ceke ni kume, man gin moko mbe kadi acel ma jukucwiyo ni kume, man gin moko mbe kadi acel ma jukucwiyo ni kume ngo. 4 Gin ceke ma jucwiyo, ginwaŋu kwo i baŋe, man kwo pare kelo der ni dhanu. 5 Der lero i mudho, ento mudho podi ume ngo. 6 Jacwic uoro jakwenda pare ma nyinge Yowana, 7 m'ubino ni nyutho pi der ni dhanu. Ebino ni nyutho igi pire, kara dhanu giwinj lembkwenda maeno man giyii ni kume. 8 En gire e der ungo, ento ebino ni nyutho di der. 9 Maeni der mandha, ma en e der ma bino i ŋom man lero waŋ dhanu ceke. 10 Ka kumeno Lembe bedo i ŋom, kadok ŋom de Jacwic ucwiyo ni kume, ento asu ŋom uŋeye ngo.